ساهررررررررر

والله فكرة رائعة جدا...تصلح شركة استثمارية
بفلوسنا طبعا...ويارب ساهر يلتغي نهائيا من السعودية لأن هدفها هدف مادي موب علشان الحوادث
والحين بالجبيل حاطين عندنا 6 ساهر ثابتة للطريق الجبيل الدمام والعكس...يعني بالروحه 3 والرجعه 3

عن إذنك يا صاحب الموضوع 
تكفون لايك يا شباب. أبي أضيف موضوع ويقولي ما تقدر 

اكتب رد ثاني وأعطيك لايك المشكله ما أقدر أعطيك لايكين 

تلقا كل الشعب يرحون يكتتبون فيها....يارجل ساهر اكلنا احسب مخالفات بس بالرياض كم.. .نقول فرضا 1500000 *300يساوي 450 مليون غيرالمملكة. كلها..يأخي زيدو الرواتب1500 ريال لكل موضف في البلد اومكافئة الجامعيين 950 ريال وش تسوي للمغتربين ...خلوها 2500 ريال يأخي وش الحسد والطمع ....الله يرزقنا الجنة ...

ياخي بعد مخالفات الوقوف الخاطىء ماعاد تحصل مكان وتخاف تنزل ثواني وتحصل عليك مخالفه 100 ريال وأنت نزلت ثواني تشتري مويه بريال حسبي الله فيك يابن عياف ضيقت علينا الشوارع 

صاحب اول رد صدقت في كل كلمه قلتها هدفهم ماااااااادي انا موظف عندهم وكل شي قدامي واضح
وخير دليل ف العيد مو راضين يعطونا اجازه انا ادمي ابغى اعيد بين اهلي وجماعتي يبعدون عني 400 كيلو ويقلك اذا اذا اخذت اجازه تصير مشاكل !!!

وثاني شي يقلك صور خلفي واذا قلت لهم حرام يقلك وليش يسرعون انت موظف والي نقلك عليه تسويه
انا مع نظام ساهر بس بالطريقه الي يدار فيها انا ضددده لكن لقمة العيش وان شاء الله احصل وظيفه غيرها وافتك  من السب والشتم الي يجي

المعذره على الاطاله واللهم تقبل صيامنا وقيامنا وكل عام وانت بالف صحه وسلامه

سب وشتم مين مره قعدت أدعي على واحد واقف بطريقه تقهر واقف قدام محطه مظلمه ومهجوره والشارع نفسه مظلم والسياره سوبارو سوداء وواقف عكس والله يا أنقهرت قهر والمشكله كنت بسيارة أخوي والشارع 70 بعدها يجي 80 والله العظيم طريقه مستفزه بس ما يخالف الله لايسامحهم وأخذها إن شاء الله حسنات يوم القيامه 

شكلهم ناوين اننا نترك السيارات ونحول عالسياكل
آلية تطبيق ساهر غلط في غلط 

قبل رمضان مسدد 1000 ريال والسبب قسيمتين وحدة جات في جدة 300 ريال في خط المطار والثانية 500 وانا راجع من الجامعة في مكة بالله إيش بقي من مكافئتي المجموع 800 اتفاجأت إنها اتدبلت وصارت 1000 قلت خليني اسدد بسرعة لاتتدبل بدمتكم هذا ماهو نظام ربوي

ما نبي ندعم ساهر

لأن لو دعمتوا ساهر بالمخالفات أو ( فكرة كاتب الموضوع أسهم وأكتتاب )

تزيد كاميرات ساهر + تزيد المخالفات والتضييق على الشعب + أموال حرام ولا فيها بركه

والحمد لله اغلب الشعب ينبهون بعض يولعون فلشر او يأشرون بالفرامل للي وراهم أو يكبسّون العالي للي قدامهم

جباية أموال لبيت مال المسلمين ،، هم أصلا متخيليننا كفار ،، مايرحموناا