باب رزق جميل...

ادخل موقعهم وشف وش المطلوب

دخلت الموقع مالقيت شيئ الا عن التوظيف 


اشكرك على مرورك

واحلى لايك  لك

(منقول) 
حياك الله 
سبق لي أخذت من باب رزق دينا إيسوزو وطلبت عليها ثلاجة وأعطوني




أجراءاتهم معقده نوعا ما وبطيئين خاصه مع اللي أكتملت أوراقهم




قبل تكتمل أوراقي كانوا يستعجلوني ولما إكتملت الأوراق صار يومهم بسنة




من حين إكتملت أوراقي وحتى إستلمت السيارة تقريبا 4 شهور وشوي




أحسن مافيهم أنهم ما ياخذون فوائد على اللي يعطونك




لكن راح تنصدم لما تعرف الرسوم الإدارية 11،800 ريال كاش ماتستلم حتى تسدد الرسوم الإدارية




ولاتوقعت الرسوم الإدارية توصل لذي القيمة البنوك والشركات على إحتيالهم ماياخذون أكثر من 1200 ريال! 




أتمنالك التوفيق والعمل الحر بشكل عام زين بس يبغاله واحد شغييل




سواء صطحة ولا شبك ولا ديزل ولا موية ولا ثلاجة وغيرة من النشاطات




الدينا اللي أخذتها إيسوزو 6 مسامير سوبر جامبو مكيفة 2012 




إستلمتها بشوال اللي فات ماشية  21،000 ك تقريبا وللتقبيل 

اول شي الله يرزقك بارزق الحﻻل من عنده 
ثاني شي وانا اخوك ليش ما تمر عليهم تاخذ من راسك لراسهم احسن لك 

اخوي عبدالله الله يجزاك خير

ابو نواف انشهد بالله انك صدقت ان شاء الله امرهم اليوم

واحلى لايك لكم

الله يوفقك ويرزقك من واسع فضله

باب رزق اهم نقطة عنده انت تعرف وش بتسوي ، يعني باسلوب علمي عندك دراسة جدوى للمشروع
لانهم بيدفعو فلوس لك ، ولازم يكونو ع اطمأنا انك بتشتغل وتسدد الفلوس طبعا بدون فوائد 100 ترجعها 100 .

لو يجتك ابو العنود طلبتك مبلغ عشان بشتغل واسددك المبلغ طبعا ماراح تعطيني ، الا اذا ((( اقنعتك ))) صح
هم كذا اقنعهم في المقابلة الاولى بطلاقة لسانك ورغبتك الصح في العمل ،
بناء عليها هم حيعرفو انك صادق وصامل وع دراية كافية ، بانك ملم بالشغلة وتفهم فيها وتعرف كيف تشغلها وتكسب وتسددهم . وصلت

انشهد بالله انك صدقت يالغالي 


واحلى لايك لعيونك

بس يالغالي انا مابي من عندهم فلوس انا ابي دينا وايت ماء يعني اخذها من عندهم اقساط

السلام عليكم يا اخوان انا ابي اخذ لي دينة ٢٠١٦ وارد اليمني صندوق ومكيف حجم كبير حادها لي ب ٨٥ وش رأيكم تكفون الي عنده خلفية عنها ،،،، سبحان الله وبحمده سبحان الله العظيم

اخواني وينهم فيه باب رزق

مطلوب دينا لتقبيل 0533353201

سلام عليكم ياشباب اول ماتجي باب رزق يقول لك بدون فوائد وتستغرب فالنهايه

انا رحت لهم ابي اخذ لي دينا صندوق وونش يقولك لازم تروح للمعرض الفلاني والمعرض اخذ
٥ الف زياده على سعر السياره والونش ٥ الف والصندوق ٥الف طلع السعر ١٣١الف تقريبا مع 
الضرايب واللوحات والتأمين سارت ب ١٤٠٥٥٠ ويوم جيت اخلص اوراق الشيك قالوا الشركه لها فوائد
سنويه ٧.٥٪؜ طلع السعر كامل حول ١٩٢ الف قيمة جيكسار والله!
والقصد حول ٣٣٠٠ ريال لمده خمس سنوات صراحه معقدين مره واضطريت اكنسل الشغل كله!!