ملاحظتي على اللي يعرض سيارته ويقول مسيومه بالقيمة الفلاني
9
3
إضغط هنا للإخفاء
السلام عليكم
مساكم الله بكل خير
ندخل في الموضوع بسرعة
وهو ملاحظتي على اللي يعرض سيارته ويقول مسيومه بالقيمة الفلانية (سؤال)
وحنا وش يضمن لنا مصداقيتك!!!!
حتى لو كنت صادق ترى الله يهديك انت داخل حراجوسلعتك طرحتها (للحراج عليها) والسوم يبداء من ريال!!
هذا اللي متعارف عليه من سنة جدي الله يرحمه :) والله من يومنا صغار وحنا نعرف عن الحراج كذا , كنا نمشي ونسمع المحرجين بحراج ابن قاسم يحرجون ونضحك يقول بريال.. بريال.. على ريال!!معقوله (تلفزيون) بريال !! هههههه وبعدها ينطلق يلعلع ويزود لين يوصل حقه وابد الناس مبسوطه وكلن يشتري
ولاننسى بعد سوم امس غير سوم اليوم هذا النظام المتعارف عليه في كل حراج
موقع حراج اكتسب شعبيته على هالاساس (الزبون يقيم ويسوم , والبايع حر ان ماعجبته لايبيع)
اتمنى مايفقد خاصيته وشعبيته بسبب كم شريطي يبي يفرض علينا تسعيرته!! (نعم شغل شريطيه ذا واضح)
المشكلة ان كثير من الناس قام يسوي مثلهميعطينا سومه يتذكرها قبل شهر ويقول تراه مسيوم بكذا وكذا واطلب من الله الزود !!
ووووووووووووووين الله يهديك هههههههه ياحليلك بس :)
ابد وسلامتكم :)
وشرايكم يالربع كلامي صحيح ولا لا؟
إبلاغ
الردود
خربت سوقهمم لاننهم هم الي يقولون انسآمت كذآ من واحد صآمل مره وتلقها كذب بس يبي الناس يفرقون السوم
ويرفع سعر سيارته فوق وهي ماتتساهل الله يكيفنآ شركم يآلشريطيه
6
1
2
1
اما الموقع ماينفع فيه سوم واحد يسوم ويبخس والثاني يسوم ويطيرها فوق
الموقع تحط فيه حدك في السيارة والمشتري الصامل راح يجيك اذا ناسبته السيارة وبيتفاوض وياك
اما يجيني واحد يعرضها في الموقع ويقولي مسيومه على الجوال بكذا ولا على الخاص بكذا هذا كلام فاضي
2
0
1
0
اخوي من حق الشخص يذكر ان سيارته مسيومه بالسعر الفﻻني عشان ماحد يسوم بأقل من السومه
وأنت منت مجبور تشتري ... وللمعلوميه انا ماني شريطي ولكن من وجهة نظري الموضوع له عﻻقه ببخس السعر
وبعدين اﻷخوان الي يعيبوا في الشريطيه اوﻵ موكلهم مثل بعض فيهم اﻷمين وفيهم الحرامي والكذاب ثانيآ أي شخص من المنتقدين للشريطيه لو جاته فرصه يكون شريطي هل راح يرفض عشان مايكون متهم ؟؟!!
1
1
1
1
قبل 10 سنه و 3 شهر