أفكر اشتري دينا وأبي نصائح ؟

بالنسبة السكراب ففيه فلوس لكن يعدم الصندوق عليك وحتى العمارة لأنه حديد بحديد لكن خلك علی الكبره اللي هي سوق الخضار وسوق المواشي ونقل عفش داخل الرياض واكتب رقمك بجنب الصندوق ويجيك الخير أن شاء الله 

خليها سطحة نقل سيارات مافيها كلام

اشتغل بالخضار اشتر من مزارع الخرج وبيع بحراج الرياض

فعلا السطحة فكرة ناجحة لكن تجهيزها مكلف شوي

تجهيز الدينا وتخليها سطحة تكلفك ١٠ الاف ريال شاملة كل شي الدينمو والحوض والصاجات الارضية كل شئ

الله يوفقك يالغالي 

نصيحتي لك لا تاخذ شي مستعمل خاصة الدينات . اغلبها مكروفة وممشاها عالي جدا ممكن تحصل 2015 وماشية قريب ال 100 الف 


خذ جديد اقساط افضل لك دينا على يدك ابرك من المستعمل خاصة انك بتشتغل بمجال تجاري ما تبي اي يوم عطلة 

كل يوم السيارة واقفة بالورشة تعتبر خسارة عليك 


الأفضل ايسوزو بعدها المتسوبيشي واذا انت بالرياض او جدة او الدمام انصحك ايضا بدينا هينو قوية وعملية 

ميزانيتك ضعيفة عندك هيونداي او جاك الصينية او JMC  


بالتوفيق 

الله يجزاكم خير جميعا ماقصرتوا على النصائح الثمينة 

لاتنسى البرسيم فيه شغل