مشروع ايسوزو وحاب اسئل عنه

هلا حياك الله . 
أولا من ناحية الدخل دخلها مجزي وطيب وتقدر توقفها بسوق الخضره وتأجرها بالشهر أو بالكرتون والكرتون بريال الى ريال ونصف حسب المنطقه وحسب الموسم وأتمنى لك التوفيق وترا نحمد الله من فضل الله البلد هذا خير لو تبيع بصل تلاقي خير بس شد همتك وتوكل على الله .

الله يجزاك خير .. 
لكن اخوي الدخل اذا عندك فكره من كم لكم يعني؟! 

لا تبخلون علينا ياجماعهً

يا أخي العزيز يختلف الدخل من شخص ﻷخر الله مقسم الأرزاق وكذلك من منطقة ﻷخرى ولكن حط ببالك أن دخلها يبدأ من 4000 بالشهر ربح فقط والرزق مقسوم من فاطر السماوات والارض وسلامتك 

الله يجزاك الجنه ويفتح عليك .. 
ماقصرت يااخوي <3

أخوي أولاً الله يرزقك من واسع فضله

ثانياً أقسم بالله اني كنت ابحث في هذا المشروع ابغا اركب عليها تانكي مويه

تأجيرها في الشركات من 7000 إلى 9000

ترى فيها خيرررربس أهم شي العامل الممتاز لكن العين بصيره واليد قصيره ماقدرت اشتري السياره

نصيحه اذا قدرت تسوقها انت سقها والدخل كله بدال مايجي عامل ولاش يطالبك بنسبة بعدين لاشاف الدخل ممتاز اغلبيتهم همه انه يدخل هنا وخلاص لادخل يفررك 

وضع الثلاجه ما ادري عنه لكن الكرين شغله ممتازاذا انت تشتغل لان العامل يتعبك بالراتب 

ابها ما فيها هذاك الشغل والخميس فيه مجموعة سعوديين مستولين على السوق يعني ما يخلون ولا اجنبي يشتغل اذا في الرياض او جده انصحك وبشدة ودخلها ممتاز اخوي كان معاه دينا وشمال مابين حراج بن قاسم وسوق الخضار وكان دخله اليومي من 200 الى 700 ريال والسفر خارج الرياض توصيل اثاث من 1000 الى 2000 ريال على المشوار

مشكورين جزاكم الله خير