مشروع دينا لنقل العفش

الله يوفقك وييسر امرك وانا افتخر فيك والله

حياك اخوي
نقل العفش فيها خير ومشاويرها طيبة
ابعطيك مثال من جدة الى الباحه حمولة عفش مايقل عن مشوارها عن 700
وكلها 6 ساعات من جدة الى الباحه
وكل مازادت المسافه زاد سعر المشوار
ومع الوقت وممارسة هاذا العمل بتزيد خبرتك وبتعرف كل شي
اهم نقطه ان هاذا المجال مافية خسارة
واهم شي لاتضغط على نفسك يعني وصلت مشوار اليوم ابو 500 كيلو
خذلك راحه يوم يومين وهكذا
الرخصه لابد منها عمومي بس مو ثقيل
خذ رخصه عمومي خفيف الي هي دينه
وعليك بموتر نضيف وفالك التوفيق وانا اشجعك في هاذا الشي

اذا تبي نصيحتي خذ لك سطحه والله ذهب 
الدنيا شغلها ماهو ماشي يعني ماهو كل يوم راح تلقاء لك مشوار
اما السطحه اقل شي مشوارين وارخص مشوار ٨٠ ريال لو تشيلها وتنزلها بس ب ٨٠
اتكلم ع الشغل اللي عندنا بالمدينه

وموفق خير والله يسهل لك امرك ويرزقك بحلاله عن حرامه

والله انا اشوف ان المبلغ اللي بتحطه في دينا الافضل تحطه في مشروع فيه مشاريع  ماتملف كثير مثل مغسله ملابس فيها ذهببببببببب

انا اتفق مع الاخ اللي يقول سطحه . ممتازةالفكرة و عدد السيارات كثيرة ما يقارب 4 مليون سيارة على مستوى المملكة . يعني اذا انت من مدينه كبيرة و زحمة راح تحصل باذن الله شغل طيب . و حاول تختلف وتتميز عن غيرك . يعني اعمل مثلا اشتراك عندك فيه مثلا نقل سيارة من مكان الى مكان مع تغير كفر في حاله البنشر و تعبئه تانكي في حالة تانكي فاضي مع توصيل للمنزل في حاله عطل السيارة او حادث لاقدر الله بمبلغ 200 او 300 ريال ف السنه كاشتراك وتحصل خدمة من كل شي مرة وحده . هذه بعض الافكار و انت عليك تقيس احتياج المنطقة اللي انت فيها.


ومشروع نقل عفش كويس لكن يا حبذا لو انت تعرف تفك و تركب العفش و يكون معاك اثنين او ثلاثه معاونيين ويساعدونك لان العفش يكون دائما ثقيل.


وبالتوفيق في مشروعك مهما كان نوعه  

أشكر االجميع على هذا الردود النيرة والمفيده ،،، 

وعا العموم هي مجرد أفكار في راسي باقي ماطبخت  هههه ،،،   وبالنسبه لفكرة للسطحة ان شاء الله بفكر فيها واشوف المناسب ،،،

وماقصرتو والله يوفق الجميع ،،،

تعتمد على منطقتك اللي انت فيها لو في الرياض اقولك خذ نقل عفش وخضار فيها خير طيب حتى لو وقفت بالحراج بيجيك الخير إلى عندك ولا يقل يوميا من مشوار إلى خمسة مشاوير لكن بمدن صغيرة اشوف السطحة أفضل لأن أكثر أصحاب الدينات نقل العفش موقفها وحط رقمه وبعضها تجلس بالأسبوع قد غبرت من الوقفة

مشروع ناجح خاصه انك بتعمل بنفسك أهم شي صل الإستخاره والله يوفقك 

والله إنه براسي ها المشروع 

تكفون يا اهل التجربة لا تبخلون علينا 

انا جربت دنه صندوق لنقل الحلال .. فالحالتين اصبحت كل الدنان لازم نقل عام ولازم رخصه عمومي والمخالفه لعدم وجود رخصه بألف ريال ..الشغله لنقل العفش مهلك .. ونقل الحلال متعب .. والسطه اذا حملت الدنه فيها خطوره فالتنقل مع عدم السرعه .. اما بالنسبه لربح والحركه المستمره .. كل المجالين يحتاج وقفه بعض الاحيان تصل لإسبوع ويحتاج وصبر.. اما بالنسبه لدخل بعض الاحيان يصير فيه شغل ويوصل دخلك فالشهر خمس الاف يمكن يزود ويمكن ينقص حسب المشاوير البعيده ..والاجواء لها دور ايضا في راحتك مرات حر تقرف من الشغله لو دخلها مربح .. ومرات برد ايضا .. اما بالنسبه للاعلاف متعبه وصعب التصريف بسبب رغبه الناس فالدين اكثر من الكاش .. والاجنبي ناجح في تصريفها .. بأقل مكسب .. وكل انسان له درجة تحمل وايضا هوايه غير الشخص الاخر .. والارزاق بيد الرزاق ولكن فالحركه بركه .. والراتب الحكومي وانا كان كثير لايوجد فيه بركه مثل البيع والشراء من السوق والحركه مهما كان المبلغ بسيط .. انا جربت واتكلم من واقع .. واسأل الله التوفيق للجميع .. مع السلامه