أضف سؤال أو موضوع جديد          

استشارة بمشروع دينا بطلعها اصفار وش اسوي

up 4 down 2
ريان القويفل 75
قبل 4 سنه و 11 شهر



•• آڵسَـِْ✋ـِْڵٱمَ عـلـِْ✋ـِْيّيّگمَ •• 


كيف حالكم وطاب مساؤكم :)


ما اطول معكم ادخل بزبدك الموضوع

انا انسان قررت اشتري دينا واجيب عامل يكد عليه 
واسترزق الله المهم يا جماعة
جتني عقبة يوم قريت عن الدينات وما الدينات 
عرفت فيه اشياء الى الحين ما فهمتها تدبيل شاصي ومن هذا القبيل
المهم انا بطلع اصفار وبسوي الشبك او الصندوق
وش الاشياء الي اسويها؟!!

 مثلًا ادبل شاصي  

ووش الانواع واسعارهن انا باخذ مكيف كم يزود؟!

وهل اخذ شاصي واركب فيه صندوق ولا اخذ السيارة اصفار مع الصندوق؟!!

وش افضل وكيل؟!

وكم اسعار التأمين واللوحات؟!

وافكر اشتري صندوق مستعمل وش رايكم؟!

كل ايش اغير فيه الزيت

ببساطة ما اعرف شيء عن الدينا اي احد عنده معلومات لو قليلة يفيدني

وابشر بالي يفيدني لادخل على ردوده واعطيه كل لايكاتي







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


انا مااعرف بها زين بس جتني فترة قررت اشتري وحده اقصاد ومالله يسرها

الى اعرفها بس يبيلها صندوق شبك بعشر الاف ريال

واذا انت من اهل الشمال انصحك تشتغل بالخضره تشتري من بسيطا وتوزع

اتفق مع مطاعم وعرعر ماعندهم خضره تجيهم من برا 

بس يبيلك تنتبه للسواق لايلعب او يخربها 

ولا تنسي الصدقه تدفع البلاء

والله يرزقك ويوسع عليك


up 3 down 0
االخاالدي 3898
قبل 4 سنه و 11 شهر



افضل وكيل باخشب وكيل الغربية والجنوب وتلقى في معارض الرياض المكيف تلقى راكب ويزود حوالي 5000 وتقدر تسويه برا بحدود 3000 والصندوق يكلف برا من 8 إلى 12 الف وانت شطارتك وبالنسبة لتدبيل الشاص ما اعرف عنه شي ونصيحة ابعد عن شيل الحديد والسكراب بيعدم عليك السيارة خليك على الأثاث والخضار إذا تبي تحافظ على السيارة وبالنسبة للزيت إذا كان سفريات فكل 3000 أو 3500 أما داخل البلد من 4 إلى 5000 وخذ دينا طرمبة كبير وأعتقد تجي 4.5 طن وانت تأكد 
موفق ان شاء الله


up 2 down 0
ابوخلوودي1 5071
قبل 4 سنه و 11 شهر



اخوي شوف العامل الفاهم الي بيشتغل عليها وهو بيقولك وش يبي من نوع وكم طن
والامور هذي لان الباكستان فاهمين فيها لانك لو شريت

وجاك العامل يقولك ماتنفع صغيره او مماتتحمل

وبالتوفيق


up 1 down 0
ibrahime 1196
قبل 4 سنه و 11 شهر



 اذا بتسلمها عامل خذلك مستعمل ولاتسلمه جديده يعدمها لك
وشوف هل ترى مسموح الاجنبي او ممنوع عشان ماتتعب بعدين



up 1 down 0
ابو عبدالله الطائفي1 230
قبل 4 سنه و 11 شهر



عندنا ياطويل العمر معرض الحافي في الحويه في الطائف جاهزه بصندوقها ومدري مكيف او لا ب ١٠٠ جاهزه 


up 1 down 0
فيصل المغيري 556
قبل 4 سنه و 11 شهر



خذ مكيف شد بلد أفضل لك من التركيب


up 1 down 0
عادل الانصار 107
قبل 4 سنه و 11 شهر



ليش تسلمها عامل اساسا وكم بيعطيك اللي بيعطيك اياه ماهوب مكفيك ولاهو ساد حاجتك غر انك يمكن تشتريها بالاقساط نصيحتي خذها بمكيفها وصندوقها بدال ماتقعد تفحط عند الورش تبي مكف ولا صندوق


up 1 down 0
ahamd9477 119
قبل 4 سنه و 11 شهر



خذ مكيف بلد سوبر جامبو 
ونوعيه الزيت مادري الشباب يفيدونك 


up 1 down 0
اااالرحال 5
قبل 4 سنه و 11 شهر



جزاكم الله خير ما قصرتم


up 1 down 0
ريان القويفل 75
قبل 4 سنه و 11 شهر



الله يوفقك اهم شى شف لك عامل امين وتعرفه زين


up 0 down 0
الابداع الجديد -29
قبل 4 سنه و 11 شهر



اجرها على شركة افضل


up 0 down 0
mfh2009 344
قبل 4 سنه و 11 شهر



اجرها على شركة افضل


up 0 down 0
mfh2009 344
قبل 4 سنه و 11 شهر