رأيكم وشوركم في ايسوزو ديماكس مستعمله

وعليكم السلام ورحمة الله وبركاته

والله ما ادري وش اقولك لان مالي خبره فيها

لكن اشوف من جربها ما عاد تركها

حتى اعرف ناس كثير كانت معهم ثم باعوها وشروا سيارات ثانيه لكن سرعان ما رجعوا له
(وهذي حصلت مع عدة اشخاص اعرفهم)
ما ادري هي فيها ادمان او وش قصتها

ادمنوا صوت الديزل و ريحته في الصباح الباكر هههههه

لازم تجربها
ديزل وصوت لاكن تربو بالمشي يخف
وثقيل العزم شوي
واذا بتعبي ديزل تصف مع الدنات والتريلات
وطرمبة الزيزل 500 متر عن المحطه

ما انصحك فيها واحد خرب عليه فلتر الديزل المهم في شي داخل المكينه واضطر انه يفك صدر المكينه وكلفته حول 10000 طبعا اهمال من الشخص لانه فيه فلتر ديزل لازم يتنطف كل فتره ولازم عنايه ماهو مثل البنزين

طرمبه الديزل ب 5000 تشليح 

اذا تغير فلاتر على طول ومحافظ عليه يعيش معك وتخرب طرمبه الديزل
غير من الاهمال 

عندنا واحد 2013 الحمد لله زيت وديزل واقمشه اماميه بس

اخبر واحد من العيال كانت معهم من ٢٠٠٨ ديزل لين ٢٠١٤ ماباعها الا لحاجه بس كانت تكد معه كد

جزاكم الله خير
اجل طرمبتها ب 5000 ريال  اووف 
وفلتر الزيت اذا خرب يكلف تصليحه مع القطع  10 الاف ريال
انا في وجه الله وش ذا

سعر طرمبه التايوتا الديزل نفس الوضع موووت 

وعليكم السلام
أنا مستخدم 2007 الشكل السابق وبعتها بعد 6 سنوات
سيارة قوية وعزم ممتاز مقارنة بفئتها
طبعا هي فل كامل قير عادي 3000cc تيربو
من عيوبها طلع عندي صوت اذا شبك المكيف والصوت متكرر مادام المكيف شغال وتسمعه وانت تمشي يعني كل 30 ثانية تقريبا وصارت بكرة الكمبرسور ورحت للوكالة وقالوا عادي
وفعلا شغل سيارة جديدة عندهم ونفس المشكلة
طبعا مااقتنعت غيرته ب800 مع شغل اليد ورجع الصوت بعد فترة
ايضا طلعت عندي بالشتاء مشكلة في الحمايات ماتشتغل الا لما تطلع الشمس ويدفأ الجو ورحت للوكالة وللأسف ماعندك أحد يقول عادي ورحت لكهربائي شاطر وضبطها لي ب 300 ريال

بدت تنفص بعد 60 الف كم وبعتها ماشية 178000 وتنقص كل 1000 كم علبة ونص ؟؟؟
وتبخر وتوضيبها حسب المهندس يكلف 7000 ريال ماادري هل هي مشكلة عامة او حظ ونصيب

كذلك احد الزملاء خرب معه الدبل وطلع جهاز تحت مرتبة الراكب وكلفه 850 ريال
عموما مادام انك بتشتري مستعمل ابعد عنها والديزل مشاكله كثيرة وصيانته صعبة

بالاضافة انك بالسفر ماتضمن ان خزان المحطة نظيف اللي تعبي منه او لا وقليل تلقى محطات الديزل.

مااخفيك اني لما اشوف الموديلات الحديثة خاصة ال GT احن لها لتصاميمها الجميلة لكن دقتين بالراس يوجعن.

تكملة: يكون بعلمك اني محافظ على السيارة لحد الوسوسة تغيير الزيت والفلتر كل 5000 كم وتغيير الفلاتر في وقتها واستعمال خفيف جدا وماجاها كرف ابد لكن قسمة ونصيب.

اشكرك اخوي fsam 
كلامك رائع ومقنع 
وسبب اني ابشتريها رخصها من موديل 2005 الى 2011 واعلى قيمه فيها حول 14 الى 6 الاف