لماذا ارتفعت اسعار سيارات الديزل وغابت الرقابه

ارتفع اكثر من ١٠ الاف ريال والمبلغ هذا بيكفي للبنزين فتره

والديزل في الخطه المقبلة بيرتفع وبيكون الوضع مختلف 

سيارات البنزين الموفره بدون شك بترتفع لأن الاتجاه عليها 

الواحد يتركد 

فعلا لي سنه اتابع اسعار الديزل
اول ماارتفع البنزين اختفت جميع سيارات الديزل بالموقع
وبعدها رجعوها بأسعار فلكيه
الفورتوشنر الديزل كان ب٩٠ الف والان ١١٠ الاف!!
والمعرض الي يبيعه واحد بالموقع لو تكتب
بالبحث فورتونر ديزل يطلعلك راعي المعرض الي يبيعه مافي غيره

الفورشنر**
والانوفا والافانزا
وحده كانت تجي ديزل ولها اعلانات بالموقع واختفى الاعلان
مدري يمكن احد شراها ومسح الاعلان
المهم الديزل مرده بيرتفع
وينزلون اسعار سيارات الديزل مثل ماني بقايل

تدري ليه يرتفع كل شيء على قولك بدون رقابة ... لان نظام وزارة التجارة ينص على ان اي تخفيض لابد تأخذ تصريح منهم 
واذا بغيت ترفع الاسعار فالله يقويك .. يدك وما تعطي .. شفت كيف ؟!؟! 

يعني حاميها حراميها

وزارة التجاره بعد توفيق الربيعه من جرف الى دحديره

الفترة الماضية كان ركوود في سوق السيارات. واللسعار نازلة

وهذا السوق كذا وضعه

ماحد حولك الدنيا فوضى 

ارتفاع الاسعار طال عمرك المواطن هو سببه الاول

نعم المواطن هو السبب الاول

وابقولك بصراحة أول يوم بإرتفاع البنزين فيه ناس أقارب لي جولاتهم ماطفت يدورون على هيلكسات ديزل وسووا ضجة ولجة وواحد من عماني أشترى هايلكس ديزل بزيادة ١٠ الاف ريال عن سعرها قبل ارتفاع البنزين

والمشكلة مبلغ الزيادة يكفيه بنزين لمدة ٣ سنوات ع الاقل على مشاويره المحدودة

لو المجتمع مثقف وواعي صدقني سيارات الديزل ماراح ترتفع أكثر من الف ريال بالكثير لكن المجتمع عندنا يسوي ازمة بدون أزمة لأن اذكر قبل 8 سنوات تقريبا تعطل مصنع الشعير بينبع والناس يتسابقون للسوق وحتى اللي مخزن حق شهر وشهرين قدام راح يسابق غيره يبي يشتري شعير لحلاله وكأن المصنع مافيه أحد يصلحه ويرجع لوضعه الطبيعي خلال أيام معدودة لكن شعب للأمانه طايش وثقافته الاستهلاكية صفر مكعب للأسف

للاسف غالبية السعوديين قراراتهم غير مدروسه
واقرب مثال ارتفاع البنزين بعضهم خسر نفسه في سيارة عشان يوفر
ومثل ماقالوا الشباب بالامكان المبلغ الزايد يكفيه للبنزين على سيارته الحاليه

ارتفعت لان التجار ماعليهم رقابه بالاسعار يعني المفترض من وزارة التجاره يكون عندها قوائم بالمنتجات باسعار السلع بشكل
عام قبل الزياده وبعد الزياده في البنزين واي تاجر يتجاوز الاسعار بشكل كبير يحاسب لكن الحقيقه ان وزارة التجاره في صف التاجر كل شي
ارتفع وراح يرتفع اكثر واكثر ولا حولك احد
اما بالنسبه لشعب الي شاريين سيارات ديزل اصبر عليهم سنه بالكثير وياخذون لهم دباب من الطفره لان بيرتفع سعر الديزل

لان اي سوق يحكمه الطلب والعرض
الطلب ارتفع على سيارات الديزل، لابد يقابله تقليل المعروض من سيارات الديزل (رفع الاسعار)
الطلب منخفض على سيارات الديزل، لابد يقابله زيادة المعروض من سيارات الديزل (تخفيض الاسعار)

بعض الاحيان الاسواق شبه محتكرة مثل سوق الاتصالات، مافي 3 شركات اتصالات هي اللي تقدم الخدمة وتتحكم بالسوق وتلغي كل قوانين الاقتصاد!
لكن سوق السيارات مفتوح يتقلب بالطلب والعرض، تبغونها ترخص؟ لا تشترون مصيره يصرفها بسعر منخفض

فعلا بالشركة طلبنا طلبيه عشر سيارات ايسوزو قارنت اسعارها بالسابق ارتفعت
بس للامانه عندنا ايسوزو وفورد ومستوبيشي ديزل كلها ممتازة اعطالها نادرة ولا نصينها الا قماشات وزيوت فقط ولله الحمد
في السابق كنا متعاملين مع شفروليت جدا سيئه قطع غيار مرتفعه وصيانه مكلفه الحين ارتحنا ولله الحمد

ثقافة الشعب 0

ياخي حتى الديزل بيرتفع

ولو تجي تحسب الزياده اللي بتدفعها بسيارة ديزل عن قيمتها السنه اللي طافت

كفتك لسنتين قدام

وغير كذا نص المحطات قديمه ومافي الا طربتين وقس على ذلك لو انك ماسك خط سفر
تجي تمسك سرى مع التريلات تاخذ لك ساعتين

واحد من وكالة سوزوكي يقول تركدوا اذا هدفك تشتري سيارة ديزل عشان توفر انصحك تنتظر يقول بالاحصائيات أغلى وقود بالعالم الديزل بسبب مشاكله البيئية يعني مو مطول ويرتفع وكانك يابوزيد ماغزيت