أضف سؤال أو موضوع جديد          

لماذا ارتفعت اسعار سيارات الديزل وغابت الرقابه

up 4 down 1



السلام عليكم ورحمة الله وبركاته
اتوقع الجميع لاحظ ارتفاع اسعار سيارات الديزل بشكل
خيالي والتجاره لارقيب ولا حسيب وكذلك
ارتفاع اسعار بعض سيارات البنزين الموفره للوقود

.. وش الحل عشان نوقف جشع التجار..







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ارتفع اكثر من ١٠ الاف ريال والمبلغ هذا بيكفي للبنزين فتره

والديزل في الخطه المقبلة بيرتفع وبيكون الوضع مختلف 

سيارات البنزين الموفره بدون شك بترتفع لأن الاتجاه عليها 

الواحد يتركد 



up 2 down 0
سرطوقا 112
قبل 3 سنه



فعلا لي سنه اتابع اسعار الديزل
اول ماارتفع البنزين اختفت جميع سيارات الديزل بالموقع
وبعدها رجعوها بأسعار فلكيه
الفورتوشنر الديزل كان ب٩٠ الف والان ١١٠ الاف!!
والمعرض الي يبيعه واحد بالموقع لو تكتب
بالبحث فورتونر ديزل يطلعلك راعي المعرض الي يبيعه مافي غيره


up 3 down 1
d7ooom777 387
قبل 3 سنه



الفورشنر**
والانوفا والافانزا
وحده كانت تجي ديزل ولها اعلانات بالموقع واختفى الاعلان
مدري يمكن احد شراها ومسح الاعلان
المهم الديزل مرده بيرتفع
وينزلون اسعار سيارات الديزل مثل ماني بقايل


up 0 down 0
d7ooom777 387
قبل 3 سنه



تدري ليه يرتفع كل شيء على قولك بدون رقابة ... لان نظام وزارة التجارة ينص على ان اي تخفيض لابد تأخذ تصريح منهم 
واذا بغيت ترفع الاسعار فالله يقويك .. يدك وما تعطي .. شفت كيف ؟!؟! 


up 12 down 1
nasser1430 873
قبل 3 سنه



يعني حاميها حراميها


up 5 down 0



وزارة التجاره بعد توفيق الربيعه من جرف الى دحديره


up 5 down 1
ابوليان1431 399
قبل 3 سنه



الفترة الماضية كان ركوود في سوق السيارات. واللسعار نازلة

وهذا السوق كذا وضعه


up 2 down 1
sell 235
قبل 3 سنه



ماحد حولك الدنيا فوضى 


up 1 down 0
بوسعد m 49
قبل 3 سنه



ارتفاع الاسعار طال عمرك المواطن هو سببه الاول

نعم المواطن هو السبب الاول

وابقولك بصراحة أول يوم بإرتفاع البنزين فيه ناس أقارب لي جولاتهم ماطفت يدورون على هيلكسات ديزل وسووا ضجة ولجة وواحد من عماني أشترى هايلكس ديزل بزيادة ١٠ الاف ريال عن سعرها قبل ارتفاع البنزين

والمشكلة مبلغ الزيادة يكفيه بنزين لمدة ٣ سنوات ع الاقل على مشاويره المحدودة

لو المجتمع مثقف وواعي صدقني سيارات الديزل ماراح ترتفع أكثر من الف ريال بالكثير لكن المجتمع عندنا يسوي ازمة بدون أزمة لأن اذكر قبل 8 سنوات تقريبا تعطل مصنع الشعير بينبع والناس يتسابقون للسوق وحتى اللي مخزن حق شهر وشهرين قدام راح يسابق غيره يبي يشتري شعير لحلاله وكأن المصنع مافيه أحد يصلحه ويرجع لوضعه الطبيعي خلال أيام معدودة لكن شعب للأمانه طايش وثقافته الاستهلاكية صفر مكعب للأسف


up 10 down 0



للاسف غالبية السعوديين قراراتهم غير مدروسه
واقرب مثال ارتفاع البنزين بعضهم خسر نفسه في سيارة عشان يوفر
ومثل ماقالوا الشباب بالامكان المبلغ الزايد يكفيه للبنزين على سيارته الحاليه


up 0 down 0



ارتفعت لان التجار ماعليهم رقابه بالاسعار يعني المفترض من وزارة التجاره يكون عندها قوائم بالمنتجات باسعار السلع بشكل
عام قبل الزياده وبعد الزياده في البنزين واي تاجر يتجاوز الاسعار بشكل كبير يحاسب لكن الحقيقه ان وزارة التجاره في صف التاجر كل شي
ارتفع وراح يرتفع اكثر واكثر ولا حولك احد
اما بالنسبه لشعب الي شاريين سيارات ديزل اصبر عليهم سنه بالكثير وياخذون لهم دباب من الطفره لان بيرتفع سعر الديزل


up 0 down 0



لان اي سوق يحكمه الطلب والعرض
الطلب ارتفع على سيارات الديزل، لابد يقابله تقليل المعروض من سيارات الديزل (رفع الاسعار)
الطلب منخفض على سيارات الديزل، لابد يقابله زيادة المعروض من سيارات الديزل (تخفيض الاسعار)

بعض الاحيان الاسواق شبه محتكرة مثل سوق الاتصالات، مافي 3 شركات اتصالات هي اللي تقدم الخدمة وتتحكم بالسوق وتلغي كل قوانين الاقتصاد!
لكن سوق السيارات مفتوح يتقلب بالطلب والعرض، تبغونها ترخص؟ لا تشترون مصيره يصرفها بسعر منخفض


up 1 down 0
a7md.r 59
قبل 3 سنه



فعلا بالشركة طلبنا طلبيه عشر سيارات ايسوزو قارنت اسعارها بالسابق ارتفعت
بس للامانه عندنا ايسوزو وفورد ومستوبيشي ديزل كلها ممتازة اعطالها نادرة ولا نصينها الا قماشات وزيوت فقط ولله الحمد
في السابق كنا متعاملين مع شفروليت جدا سيئه قطع غيار مرتفعه وصيانه مكلفه الحين ارتحنا ولله الحمد


up 0 down 1



ثقافة الشعب 0

ياخي حتى الديزل بيرتفع

ولو تجي تحسب الزياده اللي بتدفعها بسيارة ديزل عن قيمتها السنه اللي طافت

كفتك لسنتين قدام

وغير كذا نص المحطات قديمه ومافي الا طربتين وقس على ذلك لو انك ماسك خط سفر
تجي تمسك سرى مع التريلات تاخذ لك ساعتين




up 0 down 0
aboahmed2014 1149
قبل 3 سنه



واحد من وكالة سوزوكي يقول تركدوا اذا هدفك تشتري سيارة ديزل عشان توفر انصحك تنتظر يقول بالاحصائيات أغلى وقود بالعالم الديزل بسبب مشاكله البيئية يعني مو مطول ويرتفع وكانك يابوزيد ماغزيت


up 0 down 0